MERI DUA - Koi Aisa Sajda Kar Ata Jo Mujh Ko Hila De

Rooh Ko Pakeezgi Sochon Ko Jila de
Ae KHALIQ E HASTI Kabhi Khud Se Mila De

Aata Hun Tere Samne Sirf Tekne Matha
Koi Aisa Sajda Kar Ata Jo Mujh Ko Hila De

Shabnam Ki Tarah Shafaf Hon Dil Ke Khayalat
Amraaz Ki Bohtat Hai Batin Ko Shifa De

Jab Haath Uthein Unko Khali Na Rakhe TU
Pohanche Jo Seedhi Arsh Pe Ab Aisi Dua De

Momin Ho Meri Nasl Maula Ta Qayamat
Ho Us Ka Taqwa Aisa Jo Dunya Ko Hara De

Aankhon Mein Rahe Sharm Meri Gohar Ki Surat
Aalooda Khayalat Ko Qudrat Se Jala De
AAMEEN